A7med BuYasser
عدد الرسائل : 3
تاريخ التسجيل : 07/06/2007
 | | موضوع: مدينتي الأحساء الإثنين يونيو 11, 2007 10:08 am | |
| السلام عليكم ورحمة الله وبركاته
اول مشاركة لي في المنتدى الغر و اتمنى ان تحوز على اعجابكم..
احب انوه ان هذي القصيده سبق و حطيتها في منتدى العائلة في بدايات كتابتها، وهذي هي بعد التعديل و التنقيح وهي باللهجة العامية نظرا لبدايتي في الشعر 
مدينتي الأحساء
من بعد غربة و شقى و حنين
اباكتب عن مدينتي هجر
عشت فيها من العمر سنين
ومن حبي لها أعيش فيها بعد عمر
هي واحة فيها خير العالمين
هي جنة للارض وبها عيون كثر
ماء و خضره و وجه حسين
ثلاثة نعم مناظرها يقوي النظر
أهاليها أهل حضر و قرويين
تحطهم على الكسر و ينجبر
وفيها نوابغ علم و فقه ودين
و انا من البوخمسين ولي الفخر
أهلنا بالاسلام وهل البيت متمسكين
ما تبدلنا عنهم هيئة النهي و الأمر
***
يا زين ايامك يالحسا يا زين
وصل أحباب وملاقى يثلج الصدر
طلعات بالخيل و جمعة محبين
و ضوية بر لى صلاة الفجر
خذ مني العلم و بغيري لا تستبين
الحسا حساك و لو جفاك الدهر
أحلف و علها في قلبي سكاكين
في كل يوم اطريها صبح و عصر
ياليت الزمن يعود بي لسابق حين
كنت وفيتها الحق و لبيت النذر
يا حروفي عطيني كل ما تملكين
ترى بلدتي لا حشى ما يوفيها هذر
***
الحسا.. شوقي لها بعيني يبين
بخافقي تنبض مع قلبي العسر
فارقتها لي سنة وشهرين
وقت قصير لكنه بطول العمر
مثل أثر السجود على الجبين
ملامحي تشوفها مفضوحة بالكسر
كل من يشوفني يسمع وني والانين
ومن فارقتها مامرتني ايام يسر
لها بقلبي حب و وعود و سر دفين
و لها بعيني محل ومقام و ستر
احاول اصبر عنها بقولة الله يعين
تقضي اللحظة ويرجع عني الصبر
يالحسا متى علي بترفقين؟؟
محب هام على أسوارك الخضر
اسبح على حدودك و تصدين
اركض لأبوابك و ارجع منكسر
يالحسا والله ما اعوفك ليوم الدين
واتنى الرجوع على احر من الجمر
وان كنت بامريكا.. انتي بوسط العين
واللي مصبرني على فرقاك كيسة تمر | |
|
Admin
Admin
عدد الرسائل : 177
تاريخ التسجيل : 03/06/2007
| | موضوع: رد: مدينتي الأحساء الإثنين يونيو 11, 2007 1:48 pm | |
| مشكور يا أحمد على هالمشاركة الحلوة.
وصفي | |
|
