ثوبالعيد

center]ثوب العيد (حكاية من التراث وصورة من بعض ذكريات الطفولة البر يئة في ايام زمان)

(من التراث تراثنا القديم..)

.....
جيت من فرحتي طاير أوري
لك ثوبي الجديد
*
رد ّيتي سلامي وعلى وجهك
خجل وانا واجف بعيد
*
عيونك تـنظرعيوني
وودك عني
تسأليني ونسلم, بإيد
*
حارت الـرجلين و رعـشته في اليدين
ظنيتها فرحتي بالعيد
*
ثوبك نشل وردي مثـل قلبك
وحجلك مثـل قـلبي رناته تـزيد
*
ساعة صبح العيد مره انتي فرحانه
وانا مثـلك سعيد
*
ودي اغزل خيوط القمرطرحه
تـلف شعرك وأغني لك نشيد
*
واصنع تاج شعرك ورد
وأقول للعيد يبقى مثـل مانريد
*
قلبك وقـلبي وردتين بغصن
والشفايف تردد زغاريد
*
بغيت الزمان يخلينا صغار نحلم
بس الأماني ما تـفيد
*

قلبك وقـلبي اطهر من ماي السما
الغيم جابه من بعيد
*

نشوف الناس بالعيد فرحانه حتى القمر
والطيور تردد تغاريد
*
مثـل برائتـنا في سنين طفولتـنا صدقها
يكبرمع الأيام ويزيد
*
راح اليوم ويجي بكرا والخوف يكبر
ونرجع كل منا وحيد
*
ينشغل فكري بالقمر بس اشوف
الغيم,قـلبي يروح بعيد

1420هـ