/8/2001حساوي في الفرضه
ماصدق حساوينا يوم انه على فرضة البحرين حط رجله
ترك صندوقه وفراشه وبشيته وحتى نسى فردة من النعله
من الفرحه عض طرف ثوبه تقول ولا معيدي في حفله
راح بعيد وتم ينظر للبحر الكبير عمره ماشاف بحر مثله
سكن خوفه وتم حاير والنوخذه يشوفه وراح يمه يزعق له
حتى يشيل صندوقه واغراضه ويروح يمشي عند اهله
غير الخان وصديقه سليمان مايعرف وحتى الخان مايدله
صويلح ضاع في البحرين مثل المربوط يوم قطعوا حبله
يم باب البحرين حساوينا حارت رجوله يبغي واحد يسئله
حساوينا البحر ضيع علومه تقول بحريني مضيع العجله
حساوينا في الشارع يضرب افكار والشمسي خلصه كله
حط اغراضه يم دكان لمبته حمره وراح لسليمان يدوّر له
حساوينا يم ابوكنان لقى سليمان وخليف كاشخ ويا باقي الشله
صويلح ضيع الدكان اللي يمه اغراضه بو لمبة حمره ماد له
الدوشق والصندوق ضاعوا وقشور الشمسي باقى في محله
التسجيل 
